انا مش عاوزة ابداها كلام فى السياسة عالطول
بس عاوزة اوضح ليه انا عملت بلوجة سياسية
انا وحدة زى اى وحدة فى مصر مصرية بتحب بلدها
ايوة متربتش فيها ومشربتش من نيلها زى ما اختنا الكبيرة شيرين بتقول
بس على الاقل اسمى مصرية وافتخر بكدا
الاول كنت بحسب انى مش بحبها لكن برفع راسى وافتخر انى مصرية
وان كل يوم بيطلع عالم من عندنا وشيخ ومواهب كتيرة
انا ممكن بقول كلام مكرر
بس حسيت انى عاوزة اتكلم عن بلدى
احب فيها وانقد فيها
اتكلم عن تاريخها واتكلم عن اللى خرب منها
اتكلم عن جمالها وعظمتها
وانقد اللى سرقوا فيها ونهبوا وبيبعوا فيها
لانها ارضى وارضكم لازم نتكلم عنها
اعيش حيات الاغنياء والبسطاء فيها
اتكلم عنهم وعن زعيم الجمهورية
اللى مودى البلد فى داهية
لازم اتكلم وبجرأة ومخفش ومطتيش تبع المثل
انا قلت مبداش بموضوع الاول
اعرف بوجهة نظرى
ونبتدى الكلام
من المرة الجاية
اشوفكم فى اول طلقة من طلقاتى السياسية
